تطبيق لنظرية السعادة

طيب نتكلم عن موضوع "السعادة وجهة نظر" بس بشكل عملى
هقول 3 حاجات أسعدتنى النهاردة وأنا راجع من إمتحان فى شركة

1. إنى كنت بلاقى مواصلات علطول, صحيح الطريق كان زحمة, بس ما كنتش بتلطع كثير فى الشارع
2. مع انى وصلت متأخر, بس الناس كانوا ذوق جدًا معايا ودخلونى وحسبولى وقت من جديد
3. صحيح ما حليتش الامتحان كله, بس اللى حليته 90% صح بإذن الله

ويمكن لسة فى حاجات تانية.. بس كفاية 3 ..


وعلى فكرة يا جماعة, ال3 حاجات اللى اسعدتنى تثبت رأيى فى التدوينة اللى فاتت, لأن لو أنا متشائم, كنت شوفت ال3 حاجات دول نفسهم حاجات اتعستنى مثلا :

1. الطريق كان زحمة ووصلت متأخر
2. كان منظرى وحش لما وصلت متأخر, وخلت ناس ما لهومش لازمة يتحكموا فيا ويتعطفوا عليا ويدخلونى
3. وبعد دا كله ما حليتش الامتحان كله

دى وجهة نظر واحد فى نفس ظروفى, بس نظارته غامقة


دا اثبات لنظريتى ,, السعادة وجهة نظر فعلا يا جماعة .. ايه رأيكم؟!